PHØNIX
Groovy rockjazz!
Emil Storløkken Åse – gitarar
Jenny Frøysa – baritonsaksofon, bassynth
August Glännestrand – trommer, trommemaskin
Ta Jimi Hendrix Experience, byt ut bassgitar med barytonsaksofon, miks inn elektriske jazzelement og soundtrack frå gamle westernfilmar, og du får eit lydbilete som kler Phønix. Leikent samspel, groovy riff og episke soloar blir servert med ung og svolten kraft i forrykande låtar og med eksplosiv energi.
Med seg har dei andreplata «Intergalloptic Roundtrip», ei konseptplate som sender Phønix og musikken deira ut i verdsrommet med både bassynth og trommemaskin. Eit band som kontinuerleg finn nye musikalske moglegheiter i eit rått og energisk uttrykk.
Dei spelar i Ungdomshallen laurdag 12. april.