Ungdom frå heile Hordaland hadde innteke Park og vart møtt av ein engasjert og interessert fullsett Festsal. Bergen Ungdomstorband har ei imponerande rekke av dyktige musikantar og denne ettermiddagen stod solistane i kø for å syna sine dugleikar fram for eit takksamt og hyppig applauderande publikum. Reportoaret bestod av eit vidt spekter av sjangrar frå eksotiske og tropiske latinrytmar til blues jazz og rocklåtar. Dette vart ei verkeleg fengande og svingande oppvisning som dirigent Are Ovesen leikande lett leia bandet vel i havn med. Det denne gjengen diska opp med av tonar frå congas og ei suveren blåserekke heldt i massevis for å varma sjølv det kaldaste jazzhjarta.
This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.