Flygande ekstrem Jazzeld

Prestegardslandet hadde fått ei ny utescene med Vangsvatnet og mektige Gråsida som vakker scenografi. Ekstremjazz og Karl Seglems Jazzeld hadde rigga seg til på ein litt utradisjonell stad for å gje publikum ei oppleving med vossanaturen som spektakulær kulisse. Med bukkehornet sentralt og eit knippe drivande dyktige musikarar ved si side lagde dei ei unik og innkluderande stemning i god Ekstremjazz-tradisjon. Med tende faklar vart publikum geleida gjennom Prestegardsalléen til ei slette fylt av lyd røyk og flygande ekstremutøvarar som kom farande gjennom lufta i ei imponerande samkøyrd oppvisning.