Vyrde Vossa Jazz ven!

Velkomen til den 35. Vossa Jazz!

Festivalen har ei sterk og god historie med mange musikalske perler i bagasjen. Profilen med jazz, folkemusikk, etnisk musikk og tingingskonsert
held fram. Årets program byr på flotte artistar som garantert vil gje publikum musikalsk påfyll av ypparste klasse.

Vossa Jazz skal ha eit tilbod for alle; Badnajazz, eldrejazz - og nytt av året er Ungdomssatsinga. Saman med lokale aktørar i musikklivet har me fått
til undervisning og samspelgrupper. Resultatet kan du oppleva under konserten i Fraktgodsen laurdag. Me ynskjer at dette viktige samarbeidet skal halda fram, og er stolte av at bygda står saman om å gje eit tilbod
til den yngre garde. Vossa Jazz er òg oppteken av miljø; god musikk skal vera ei rein oppleving på alle måtar: T.d. vil Terje Isungset spela på verdas viktigaste ressurs; vatn, under utekonserten torsdag. Me ynskjer at alle er med på å skapa eit godt miljø. Både ute og inne.

Vossa Jazz vil takka samarbeidspartnarar og medarbeidarar og ynskja alle ei god helg i festivalbygda Voss!

Trude Storheim -dagleg leiar, Magne Kalstad -styreleiar

Kontaktinfo

Vi held til i Hålandshuset midt på torget i Voss sentrum. Her har vi kontor saman med Ekstremsportveko (www.ekstremsportveko.com) og Vossameny (www.vossameny.no).

Adresse:
Vangsgata 28
P.boks 223
5702 Voss

Tlf (+47) 56 52 99 11
e-post: post@vossajazz.no