RASHIED ALI / CHARLES GAYLE / WILLIAM PARKER

Denne trioen starta opp i 1991 med innspeling av CDen ”Touchin’ On Trane”. Fram til 1996 heldt dei saman og opptrådde stadig på heimebane i New York og gjennomførte ei rekkje turnear i Europa.
Rashied Ali har spelt med John Coltrane, på slutten av hans karriere. William Parker er ein av dei sentrale bassistane i den moderne jazzen gjennom 90-åra og fram til i dag.
Charles Gayle spelte på Vossa Jazz i 2005, og det er ei stor glede å ynskja han velkomen tilbake. Han harvore med og påverka avantgardejazzen i ein mannsalder, sist blei han introdusert som ”kultsaksofonisten”. Trioen kom saman igjen i fjor, og magien var på plass med det same. Så vi kan love ei kraftfull musikalsk oppleving.

 

Charles Gayle – saksofon
William Parker – bass
Rashied Ali – trommer