ROY NATHANSON’S
SOTTO VOCE

 

Roy Nathanson var med i Lounge Lizards og starta The Jazz Passengers. No er han her med i bandet som serverer ei herleg blanding av dikt, song og improvisasjon. Sotto Voce er eit hipt, tekstleg varietéshow, med glitrande instrumentalsoli, tilført energi frå hip hop og doo-wopinspirert song av Paul Maddox. Mykje av musikken er skriven av Nathanson, med ein og annan kjend jazz- eller poplåt innimellom. Ein utsøkt gjeng musikarar som alle både er framifrå instrumentalistar og songarar. " In a world of useless shouting things, Roy Nathanson's Sotto Voce is sane, funny, beautiful and intimate" har Elvis Costello uttalt. Her kan ein vente seg musikk av det seriøse slaget, med glimt i auga; musikk det er vanskeleg å skildre, men garantert ei oppleving av dei sjeldne, som alle må få med seg!

Roy Nathanson – altsaksofon, sopransaksofon, song
Curtis Fowlkes – trombone, song
Sam Bardfeld – fioloin, song
Tim Kiah – bass, song
Napoleon Maddox – human beat box, song