LAURDAG 15. mars

PARADE;  Torget klokka 11:30
Laurdag startar me med parade i Vangsgata, ta gjerne med deg eit instrument, mor, bror, nabo eller andre du vil syna fram.  Det vert musikk, drilljentene stiller; kjem du?

Etter utekonserten med Rafven på Torget vert det rebus opp til Mølstertunet. Me oppmodar alle om å ta beina fatt og lata bilen stå. Meir informasjon om dette får du etter at Rafven er ferdige, om lag 12:30.

 

ISGLEM, Mølstertunet klokka 13:30

Isglem feirar i 2008 sin 21 års dag. Dette vil Vossa Jazz saman med Vossameny og Voss Folkemuseum feira. Terje Isungset og Karl Seglem er karane bak Isglem, og dei er mellom pionerane når det gjeld fri improvisasjonsmusikk i Noreg. Kanskje blir det moro?
Kanskje blir det skummelt? Kanskje blir det vakkert? Kanskje blir det musikk? Den som lever og har øyrer får sjå. Isglem brukar heile Mølstertunet som arena for sin konsert. Det vert også leikar og sal av mat og drikke frå ein nykomponert barnemeny. Hugs varme klede, store sko, godt humør og kjempestore øyrer. Konserten passar best for born mellom 4 og 94 år.
Pris kroner 60 per person, under 2 år gratis.

Karl: saxofant & bukkhorn
Terje: hannhurpe, bukkehorn og bommelomm.

http://www.isung.net/
www.norcd.no/seglem/

 

SUNDAG 16. mars
EPLEMØYA SONGLAG
med Voss Barnekatori

HØNA OG EGGET: -kven kom sist
Pannekaka, skrikarungen og mannebrann får i oppdrag å finna og setta fri reven som blir halden fanga bak kjøkkenbordet bortanfor speilskogen. Med hjelp frå Pål sine høner, som i tillegg til å legga egg òg jobbar undercover som spion­agentar, syng dei kjende, mindre kjende og nye songar på vegen til snipp snapp snute.

Årets Badnajazzkonsert er eit musikalsk sprudlande resultat av selektivt minne, forteljarglede, fire improviserande jazzvokalistar, elektronikk, eit barnekor og nokre speglar. Absolutt magisk!

Wenche Losnegård - vokal Anja Eline Skybakmoen - vokal
Ingebjørg Loe Bjørnstad - vokal Hans Martin Austestad - beatboks
Voss Barnekantori - kor

Pris kroner 70 per person, under 2 år gratis.

Billettar kan du kjøpe under festivalen på
Vossa Jazz sitt billettkontor på Park Hotel.

Velkomne til Badnajazz!