Vozzakvarts

Folkemusikkgruppa Kvarts er i dag ei godt etablert folkemusikkgruppe i Noreg. Gruppa er solid rotfesta i den norske folkemusikken, men Kvarts tek også andre sjangrar med inn i det musikalske uttrykket.

Vossa Jazz har sidan starten presentert musikk i krysninga jazz/ folkemusikk. Denne profilen har ført til mange spanande møter og sjangerkryssing i særklasse. Vossa Jazz har bestilt ny musikk laga av Kvarts, bandet tek med seg fleire fantastiske musikarar på prosjektet; Helge Lien, Torben Snekkestad og Birger Mistereggen. Dette stjernelaget vil garantert skapa musikk basert på tradisjon og nyskaping!

Det vert urframføring laurdag 27. mars på Vossa Jazz.

Jo Asgeir Lie - trekkspel
Øystein Rudi - fele, hardingfele
Tom Willy Rustad - kontrabass, gitar, toradar, seljefløyte, munnharpe
Erlend Styve - gitarar
Birger Mistereggen – perkusjon
Helge Lien - piano
Torben Snekkestad - saksofon

http://www.kvarts.no/

English:
Vozzakvarts

Folk music group Kvarts are getting together especially for Vossa Jazz this time with a crew addition to jazz up their folk repertoire! They have released a total of 6 albums and won 2 Spellemannsprisen and for those about to folk: get your act together!

Kjøp billettar til denne konserten her.

Dersom du har Kulturkort for ungdom får du rabatt på denne konserten. Då kjøper du billett på billetkontoret på Park under festivalen.

På framsida no

Spellemann til Tord Gustavsen Ensemble

Publisert den 8. mars, 2010

Vossa Jazz ynskjer Tord Gustavsen Ensemble til lukka med Spellemann i kategorien jazz! Dei fekk prisen for plata "Restored, Returned" som er basert på Gustavsen sitt Tingingsverk til Vossa Jazz i 2008. Solveig Slettahjell sitt Tingingsverk til Vossa Jazz i 2009; "Tarpan Seasons" var òg nominert. Vossa Jazz - aktuelle Noora Noor fekk prisen for årets kvinnelege artist, ho spelar på Fleischer`s laurdag 28. mars klokka 22:00. Velkomen!

Aktuelt

Hugs å melda deg på til Vossakveik!

Publisert den 4. mars, 2010

I samarbeid med Indre Hordaland Miljøverk inviterer Vossa Jazz til det tradisjonelle næringslivsseminaret Vossakveik torsdag 25. mars klokka 16:30–20:00 i Fraktgodsen. Voss kommune byr på smakebitar av lokalprodusert mat. Årets tema er reiseliv, klima og kulturbasert næring. Kan desse einast, eller er det for store motsetningar? I føredragspanelet sit Øystein Dahle, Erik Thorstvedt og Morten Krogvold. Bindande påmelding til kari@vossajazz.no.

Aktuelt

Ekstremjazz til vers!

Publisert den 25. februar, 2010

I år har du høve til å få ein heilt unik publikumsplass under Vossa Jazz! 30 heldige får ta del i ein tandemtur med paraglider som skal sirkla over Hanguren der Jon Balke & co utfører årets Ekstremjazz. Dei utvalde vil - som dei fyrste i verda – få vera med i eit forsøk der ein skal sjå om dette adrenalinkicket påverkar musikkopplevinga!

Hovudkriteria for å delta er å vera under 100 kg, normalt god fysisk form og klinkande edru. Gildet kostar 2500 kr. Musikken er det, i år som i fjor, ekstremsportutøvar og musikar Jon Balke som står for. Med referanser til Harald Sæverud sitt verk ”Kjempeviseslåtten” har Balke komponert eitt musikkverk der jazz, folkemusikk, fjell og sterke kjensler vert fletta saman i ei makalaus nyskapande kulturoppleving. For meir informasjon om arrangementet, ta kontakt med prosjektleiar Annichen Rokne på annichen@festivalvoss.no eller tlf 95 13 03 91.

Karin Krog og John Surman om Vossa Jazz:

Publisert den 25. februar, 2010

John Surman: «Tidleg på åttitalet inviterte Vossa Jazz Bengt Hallberg, Karin og meg til å førebu eit spesialprosjekt saman med eit kor. Arenaen var kyrkja, noko som til då ikkje hadde vore vanleg.

Seinare har me spela med Bergen Big Band på Vossa Jazz, så Karin og eg har gode tradisjonar her. Det er difor spennande å bli invitert til å stilla med heilt eige stoff og me ser begge fram til å returnera til festivalen med tingingsverket».

Og Karin Krog supplerer: «Vi er veldig glade for å ha fått dette ærefulle oppdrag til festivalen på Vossa Jazz og går til oppdraget med spenning og glede». Me ynskjer dei hjarteleg velkomne!