Noora Noor

Noora Noor er i ferd med å markera seg som ein av Noregs store R&B-artistar. Etter ei tid vekke frå rampelyset kom ho tilbake med ein smell i fjor og albumet «Soul deep» som var produsert i California med eit knippe særs habile soul- og bluesmusikantar frå USA. Albumet inneheld både eigenkomponerte låtar samt personlege favorittar som Noor tolkar på sitt eige vis. Kritikkane har vore overveldande og under By:larm 2009 fekk Noora Noor terningkast 6 i Dagsavisen: « En av de mest gledelige konsertbegivenhetene under årets By:larm var Noora Noors retur til rampelyset som Norges soul-dronning».

Vossa Jazz er svært nøgd med å booka Noora Noor!

Noora Noor - vokal
André Viervoll – keys
Andreas Brattlie – trommer
Bjørn Einar Hanstveit – perkusjon
Jørn Fodnestøl – gitar
Håkon Rasmussen – bass
Ingun Kvamme Dallan – kor
Rikke Normann – kor
Mariann Pentha - kor

www.nooranoor.com

English:
Noora Noor

Noora Noor has already had a extensive career in Norway, and after a few years hiatus she's back with a vengeance. Her latest album «Soul deep» got raving reviews and her live performances are famous, especially after last year's show in Oslo during the annual presentation of the latest, hot stuff on the Norwegian scene. Vossa Jazz was quick to book her after this. Be prepared for steaming R&B and a crowded house!

Kjøp billett til konserten her.

På framsida no

Spellemann til Tord Gustavsen Ensemble

Publisert den 8. mars, 2010

Vossa Jazz ynskjer Tord Gustavsen Ensemble til lukka med Spellemann i kategorien jazz! Dei fekk prisen for plata "Restored, Returned" som er basert på Gustavsen sitt Tingingsverk til Vossa Jazz i 2008. Solveig Slettahjell sitt Tingingsverk til Vossa Jazz i 2009; "Tarpan Seasons" var òg nominert. Vossa Jazz - aktuelle Noora Noor fekk prisen for årets kvinnelege artist, ho spelar på Fleischer`s laurdag 28. mars klokka 22:00. Velkomen!

Aktuelt

Hugs å melda deg på til Vossakveik!

Publisert den 4. mars, 2010

I samarbeid med Indre Hordaland Miljøverk inviterer Vossa Jazz til det tradisjonelle næringslivsseminaret Vossakveik torsdag 25. mars klokka 16:30–20:00 i Fraktgodsen. Voss kommune byr på smakebitar av lokalprodusert mat. Årets tema er reiseliv, klima og kulturbasert næring. Kan desse einast, eller er det for store motsetningar? I føredragspanelet sit Øystein Dahle, Erik Thorstvedt og Morten Krogvold. Bindande påmelding til kari@vossajazz.no.

Aktuelt

Ekstremjazz til vers!

Publisert den 25. februar, 2010

I år har du høve til å få ein heilt unik publikumsplass under Vossa Jazz! 30 heldige får ta del i ein tandemtur med paraglider som skal sirkla over Hanguren der Jon Balke & co utfører årets Ekstremjazz. Dei utvalde vil - som dei fyrste i verda – få vera med i eit forsøk der ein skal sjå om dette adrenalinkicket påverkar musikkopplevinga!

Hovudkriteria for å delta er å vera under 100 kg, normalt god fysisk form og klinkande edru. Gildet kostar 2500 kr. Musikken er det, i år som i fjor, ekstremsportutøvar og musikar Jon Balke som står for. Med referanser til Harald Sæverud sitt verk ”Kjempeviseslåtten” har Balke komponert eitt musikkverk der jazz, folkemusikk, fjell og sterke kjensler vert fletta saman i ei makalaus nyskapande kulturoppleving. For meir informasjon om arrangementet, ta kontakt med prosjektleiar Annichen Rokne på annichen@festivalvoss.no eller tlf 95 13 03 91.

Karin Krog og John Surman om Vossa Jazz:

Publisert den 25. februar, 2010

John Surman: «Tidleg på åttitalet inviterte Vossa Jazz Bengt Hallberg, Karin og meg til å førebu eit spesialprosjekt saman med eit kor. Arenaen var kyrkja, noko som til då ikkje hadde vore vanleg.

Seinare har me spela med Bergen Big Band på Vossa Jazz, så Karin og eg har gode tradisjonar her. Det er difor spennande å bli invitert til å stilla med heilt eige stoff og me ser begge fram til å returnera til festivalen med tingingsverket».

Og Karin Krog supplerer: «Vi er veldig glade for å ha fått dette ærefulle oppdrag til festivalen på Vossa Jazz og går til oppdraget med spenning og glede». Me ynskjer dei hjarteleg velkomne!