Foto: Elin Hörberg
Den unge pianisten Naoko Sakata kjem opprinneleg frå Nara i Japan, men har sidan 2008 hatt tilhald i Gøteborg. Her har ho sidan markert seg som eit heilt spesielt talent innanfor den stolte svenske pianojazztradisjonen. I Gøteborg har Naoko Sakata studert jazzpiano og improvisasjon, og det var også her ho starta sin eigen trio med Blomgren og Birgenius.
I haust var Naoko Sakata Trio svensk bidrag i konkurransen Young Nordic Jazz Comets, der Naoko gjekk av garde med prisen for beste solist. Trioen vart kåra til beste svenske jazzband under same arrangement. «Ei profilert gruppe med autoritet, flyt og skjønnheit både i utføring og i komposisjonar», stod det mellom anna å lesa i grunngjevinga.
Naoko Sakata Trio spelar lyrisk og vakker pianojazz i landskapet rundt Tord Gustavsen, Brad Mehldau og ei rekkje av dei andre «nye» stjernene på pianojazzhimmelen.
Naoko Sakata – piano
Anton Blomgren – bass
Johan Birgenius - trommer
www.myspace.com/naokosakatatrio
Japanese piano player Naoko Sakata moved to Sweden in 2008 with immense skills and ambitions in her suitcase. She teamed up with Anton Blomgren and Johan Birgenius, a trio that has since won Young Nordic Jazz Comets. Brad Mehldau and Tord Gustavsen are mentioned to give you a clue to what direction the move in. Lyrical, beautiful, soothing, exciting.
